الرئيسية

الرسوم والدفع والنقاط

الأجرة والعمولة والإيداع والرصيد والنقاط — مين بيدفع إيه وإمتى وإزاي.

آخر تحديث: 28 سبتمبر 2026

1. طرق السداد

السداد في المنصة يدوي: العميل أو المندوب يحوّل المبلغ (محفظة أو تحويل بنكي) ويسجّل رقم المرجع مع صورة الإيصال من داخل المنصة، وبعدها إدارة المنصة بتراجع الإيصال وتفعّل الرصيد. لحد ما المراجعة تتم، المبلغ ما بيظهرش كرصيد متاح.

2. رصيد المحفظة

  • رصيد العميل بيتستخدم لرسوم المنصة والباقات ولأجرة التوصيل لو اختار يسددها من رصيده.
  • أرباح المندوب بتدخل محفظته بعد تأكيد التسليم برمز التسليم بس.
  • أجرة التوصيل بتتدفع نقدًا للمندوب عند التسليم — خارج أي تسوية على المنصة، والمنصة لا تجمعها.
  • الأصل إن تمن الشحنة نفسه يُسدّد نقدًا عند الاستلام/التسليم إلا لو اتفق الطرفان على غير كده داخل المنصة.

3. عمولة المنصة والرسوم

السلحفة وسيط تقني، ودخلها عمولة نسبة على التوصيلات المكتملة (حاليًا 10%) بتُخصم من أجرة المندوب عند تأكيد التسليم. خدمات «مندوب المكتب» لها سعر ثابت معلن، ورسومها بتظهر للمندوب قبل ما يقدّم عرضه.

أي تعديل في نسبة العمولة أو الأسعار بيُعلن قبل تطبيقه بوقت كافي.

4. المستحقات وإيقاف الخدمة

لو على الحساب رسوم مستحقة غير مسددة، الحساب بيتوقف مؤقتًا عن استقبال أو تقديم طلبات لحد السداد، مع إشعار قبل الإيقاف وتنبيهات متدرجة.

الرسوم المستحقة ما بتسقطش بإيقاف الحساب أو بإنشاء حساب جديد.

5. نظام النقاط والمكافآت

  • كل طلب مكتمل بيضيف نقاط لصاحب الطلب ولمنفذه (حاليًا 10 نقاط لكل طرف).
  • مكافأة تقييم 5 نجوم (حاليًا 5 نقاط) ومكافأة أول طلب (حاليًا 20 نقطة).
  • الطلبات اللي عليها نزاع مفتوح ما بتجيبش نقاط لحد ما النزاع يتفض.
  • التحويل: كل 10 نقاط = 1 جنيه، والحد الأدنى للتحويل 100 نقطة.
  • النقاط تتحول لرصيد في المحفظة بيسدّى تلقائيًا أي رسوم مستحقة.

6. قواعد الرصيد — مهمة

  • ممنوع السحب النقدي: الرصيد والنقاط ما بتتسحبنش كاش لأي مستخدم، ولا بتتحوّل لحساب بنكي أو محفظة خارجية على اسم المستخدم.
  • الرصيد يُستخدم داخل المنصة فقط: رسوم المنصة، العمولة المستحقة، الباقات.
  • ممنوع التحويل المباشر بين حسابات المستخدمين. لو فيه حالة استثنائية، التحويل بيتم عن طريق الإدارة وبسجل مالي واضح.
  • أي محاولة لاستخدام النقاط أو الرصيد في تجارة خارج المنصة أو بيعها بتعرض الحساب للإيقاف.

7. المشتريات (خدمة اشتريلي)

في خدمة اشتريلي، العميل يحدد أقصى مبلغ للمشتريات، والمندوب يسجّل مبلغ الفاتورة مع صورتها، والمبلغ ما يقدرش يتجاوز الحد اللي العميل حدده. العميل هو اللي بيوافق على الفاتورة أو يرفضها، ومن غير موافقته الطلب ما بيتحوّش لمرحلة الاستلام.

تمن المشتريات والأجرة يُسدّدان نقدًا عند التسليم ما لم تُستخدم أجرة الرصيد.

8. الاسترداد والمرتجعات

  • الأجرة المدفوعة من الرصيد بترجع كاملة لو الطلب اتلغى قبل التنفيذ.
  • المبالغ المُودَعة كرصيد ما بتستردش نقدًا، وبتُستخدم داخل المنصة؛ وفي حالات خاصة (خطأ في الإيداع أو duplicate) يمكن بطلب للإدارة إرجاعها لنفس وسيلة الدفع.
  • غرامة الإلغاء بعد اختيار المندوب ما تستردش.

9. الاحتيال والأوردرات الوهمية

الطلبات الصورية أو المتكررة بدون تنفيذ، أو الاتفاقات الموازية خارج المنصة، أو استخدام الرصيد لنقل أموال بين الحسابات — كل ده احتيال، والعقوبة إيقاف الحساب ومراجعة الرسوم المستحقة، ومع الاحتيال الجسيم إبلاغ الجهات المختصة.

10. الفواتير والمستندات

صورة الفاتورة أو الإيصال جزء من سجل الطلب وبتبقى متاحة لأطراف الطلب والإدارة. المندوب مسئول عن صحة المستند اللي بيرفعه، والعميل مسئول عن صحة البيانات اللي بيكتبها.

شعار السلحفه ElSolhefaالسلحفهElSolhefa

أسئلة عن أي وثيقة؟ اكتب لنا على info@elsolhefa.com

ابدأ دلوقتي