الشروط والأحكام

1. المنصة وسيط تقني فقط

السلحفة (ElSolhefa) بتوفّر موقع وتطبيق بيسهّل لقاء طالب التوصيل بالمندوب، وبيرتب إجراءات الطلب والتتبع والسداد. المنصة مش طرف في عقد النقل، ومش مالكة الشحنة، ومش وكيل أو ممثل لأي من الطرفين، وما بتحتجزش البضاعة.

المندوب مستقل بيقدّم خدمته باسمه ومسئوليته، والمنصة ما بتفرضش عليه تعليمات تشغيلية تخص نفس الشحنة. أي التزام أو تعويض ناتج عن تنفيذ التوصيل بيرجع للعلاقة بين العميل والمندوب.

2. الحسابات والتسجيل

• التسجيل برقم هاتف مصري صحيح + كلمة مرور، وحساب واحد لكل رقم.
• توثيق رقم الهاتف بيتم بكود تأكيد ترسله إدارة المنصة (عبر واتساب) — بدون بريد إلكتروني.
• السن الأدنى للاستخدام 18 سنة، والبيانات اللي بتُدخل لازم تكون صحيحة وحديثة.
• أنت مسئول عن حفظ كلمة المرور وعن أي نشاط بيتم من حسابك.
• حساب المندوب محتاج توثيق (الرقم القومي + صورة البطاقة + سيلفي) ومراجعة يدوية، والمنصة يحق لها رفض التسجيل أو إيقافه بدون إبداء سبب.
• ممنوع مشاركة الحساب أو بيعه أو تشغيل حسابات متعددة لنفس الشخص أو لنفس الرقم القومي.

3. الطلبات والعروض والاختيار

العميل يحدّد مكان الاستلام والتسليم، اسم المستلم ورقمه، وصف الشحنة وقيمتها وحجمها، وقت التوصيل، والسعر المقترح. المناديب المؤهلين في نفس المحافظة يقدرّون قدّموا عروض بأجرتهم ومدة وصولهم، والعميل هو اللي بيختار العرض — والمنصة ما بتختارش عنه.

• الأجرة النهائية هي قيمة العرض المقبول، وتُثبّت في الطلب.
• تقديم عرض يعني موافقة المندوب على شروط المنصة وعلى تنفيذ الطلب كما هو.
• الطلبات المفتوحة في نفس الوقت ليها حد أقصى (حاليًا 3 طلبات لكل عميل).
• الطلبات اللي ما بيتخذش عنها إجراء بتنتهي تلقائيًا بعد (حاليًا 48 ساعة).

4. رمز الاستلام ورمز التسليم

التسليم بيتأكد برمز التسليم اللي بيتولّد للطلب، ورمز الاستلام بيتأكد بعد صورة الأوردر. الأكواد دي ملك صاحب الطلب وحده: مينفعش المندوب يشوفها أو يعرفها من أي مصدر، ومينفعش العميل يبعتها للمندوب قبل التسليم أو ينشرها في أي مكان.

مشاركة الأكواد أو إعادة استخدامها أو محاولة تجاوزها بتعتبر مخالفة جسيمة، والمنصة بتسجّل كل محاولة تلاعب.

5. الأجرة والعمولة والرسوم

• أجرة التوصيل هي قيمة العرض المتفق عليه في الطلب.
• منصة السلحفة بتاخد عمولة نسبة على التوصيلات المكتملة (حاليًا 10%)، والعمولة بتُحتسب عند تأكيد التسليم.
• خدمات «مندوب المكتب» لها سعر ثابت معلن قبل تقديم العرض.
• باقات أوردرات وشحن الرصيد بأسعار معلنة في صفحة المحفظة، والسداد يدوي بإيصال ومرجع بيراجعهم الأدمن.
• كل الأسعار بالجنيه المصري، وقابلة للتعديل مع إعلان قبل التطبيق.

6. الإلغاء والتأخير

• إلغاء الطلب قبل اختيار المندوب من غير أي رسوم.
• بعد اختيار المندوب، الإلغاء بيفرض غرامة (حاليًا 5 جنيه) تعويضًا للمندوب عن وقته.
• الأجرة المدفوعة من رصيد العميل بترجع كاملة لو الطلب اتلغى.
• تأخر المندوب عن الوقت المتفق عليه من غير تبرير بيأثر على تقييمه ومستوى ثقته.

7. حدود قيمة الشحنة ومستويات الثقة

قيمة الشحنة المعلنة مسئولية العميل، والمنصة بربط قيمة الشحنة بمستوى ثقة المندوب: كل مستوى ليه سقف قيمة يقدر يستلمها. الغرض حماية الطرفين وتقليل مخاطرة الشحنات عالية القيمة.

تقليل قيمة الشحنة عمدًا عشان تعدّي السقف مخالفة، والمنصة تراجع الطلبات المشبوهة.

8. سلوك الأطراف — ممنوع

• الاتفاق والتعامل خارج المنصة لتجنّب الرسوم.
• عروض أو طلبات صورية أو وهمية، أو رفع/خفض أسعار بشكل مصطنع.
• التحرش أو التهديد أو الإساءة لأي طرف، أو طلب خدمة مخالفة للقانون.
• استخدام بيانات الطرف الآخر لأغراض تانية غير تنفيذ الطلب.
• انتحال شخصية مندوب أو عميل، أو تقديم مستندات توثيق غير صحيحة.

9. حدود المسؤولية

المنصة ما بتتحملش مسئولية عن محتوي الشحنة أو تلفها أو نقصها أو ضياعها، ولا عن خسائر غير مباشرة (ربح فائت، سمعة، تعطّل شغل)، ولا عن أفعال أي طرف.

دور المنصة عند حدوث مشكلة هو المراجعة بالسجلات والبيانات المتاحة (سجل الحالات، الأوقات، موقع المندوب، صور الاستلام، المحادثة) واتخاذ الإجراءات المنصوص عليها في سياسة النزاعات، بما فيها إيقاف الحساب المخالف.

المسئولية عن البضاعة نفسها وتغليفها وتأمينها وتراخيصها تقع على عاتق العميل، ومسئولية التنفيذ وسلامة النقل تقع على المندوب.

10. الملكية الفكرية للهوية

اسم «السلحفة» و«ElSolhefa» ونطاق ElSolhefa.com واللوجو والسلوجن «السلحفة غيّرت مفهوم التوصيل» ملك المنصة. مينفعش نسخها أو تقليدها أو استخدامها في أي إعلان أو نشاط بدون إذن كتابي.

11. إيقاف الحسابات وحذفها

المنصة يحق لها إيقاف الحساب مؤقتًا أو نهائيًا عند مخالفة الشروط أو عند وجود نزاعات متكررة أو سلوك خطير، وده مش معناه إسقاط أي مبالغ مستحقة على صاحبه.

تقدر تطلب حذف حسابك من صفحة «حسابي» أو بالكتابة على info@elsolhefa.com، والسجلات المالية والإجرائية اللي القانون بيلزم بحفظها بتفضل محفوظة المدة المحددة.

12. تعديل الشروط

أية تعديلات بتُعلن داخل المنصة قبل تطبيقها بوقت كافي، والمتابعة على استخدام الخدمة بعد إعلان التعديل تعتبر موافقة عليها.

13. القانون الواجب التطبيق

الشروط دي تخضع للقانون المصري، واختصاص نظر النزاعات يكون للمحاكم المختصة في جمهورية مصر العربية، مع محاولة حل الخلاف وديًا أولًا.

14. التواصل

أي استفسار عن الشروط دي يكون على البريد info@elsolhefa.com أو من داخل المنصة.